ОРОЛ МИНТАҚАСИДА ВАЗИЯТНИ МОНИТОРИНГ ҚИЛИШ УЧУН БЕСПИЛОТНИКЛАРНИ ҚЎЛЛАШНИНГ АҲАМИЯТИ.

Abstract

Орол денгизи экологияси ва унинг атрофидаги ҳудудлар Ўзбекистон ва минтақадаги энг жиддий экологик муаммолардан биридир. Сув сати даражасининг пасайиши ва денгиз ҳажмининг кескин камайиши натижасида катта майдонларда чўллашиш, атроф муҳит ифлосланиши, сув ресурслари билан боғлиқ муаммолар пайдо бўлмоқда. Бу вазият нафақат атроф-муҳитга, балки аҳолининг саломатлиги ва иқтисодиётга ҳам салбий таъсир кўрсатмоқда. Шунинг учун Орол минтақасининг экологик ҳолатини доимий равишда мониторинг қилиш, яъни кузатиб бориш муҳимдир.