MAHALLIY HOKIMIYAT VA FUQAROLIK JAMIYATI O‘RTASIDAGI INSTITUTSIONAL HAMKORLIKNI KUCHAYTIRISH YO‘LLARI

Abstract

Zamonaviy davlat boshqaruvida fuqarolik jamiyatining institutlari demokratik islohotlarning barqarorligini ta’minlash, ijtimoiy nazoratni kuchaytirish va mahalliy boshqaruv sifatini oshirishda strategik omil sifatida e’tirof etiladi. Yangi ijtimoiy boshqaruv konsepsiyasida “kooperativ boshqaruv” (collaborative governance) modeli hamkorlik, shaffoflik va hisobdorlik tamoyillari orqali mahalliy hokimiyat bilan nodavlat notijorat tashkilotlari (NNT), jamoat birlashmalari va tashabbuskor fuqarolar o‘rtasida barqaror muloqotni taqozo etadi. Fuqarolik jamiyati va davlat o‘rtasidagi o‘zaro munosabatlar ijtimoiy kontrakt, subsidiarlik va ochiq boshqaruv nazariyalari nuqtai nazaridan talqin qilinadi. Ushbu nazariyalar boshqaruvni markazdan mahalliy darajaga delegatsiya qilish, qaror qabul qilish jarayonida manfaatdor tomonlar ishtirokini kengaytirish, hisobdorlikni oshirish kabi printsiplarni ilgari suradi.