MUHAMMAD ALI (DUKCHI) ESHONNING “IBRAT UL-G‘OFILIYN” ASARI TAHLILI

Abstract

Bugungi kunda O‘zbekiston Respublikasida milliy-ma’naviy merosni o‘rganish, tarixiy shaxslar faoliyatini chuqur tahlil etish, ularning g‘oyalari asosida yosh avlodni ma’naviy yetuklikka tarbiyalash davlat siyosatining ustuvor yo‘nalishlaridan biri hisoblanadi. Prezident Shavkat Mirziyoyev ta’kidlaganidek: “O‘z tarixini bilmagan xalq – o‘z kelajagini qurishga haqli emas. Biz buyuk mutasavviflarimiz merosini chuqur o‘rganish orqali o‘zligimizni anglaymiz.” Shu bois so‘nggi yillarda tasavvuf, islom falsafasi va diniy-ma’rifiy merosni tadqiq etishga qaratilgan ilmiy izlanishlar alohida ahamiyat kasb etmoqda. Ayniqsa, o‘z xalqining ma’naviy uyg‘onishida muhim o‘rin tutgan so‘fiy allomalar merosini tahlil qilish bugungi kun ilm-fani uchun ham dolzarb masalalardan biridir.