DAVLAT MOLIYAVIY NAZORAT TIZIMINI RIVOJLANTIRISHDA RAQAMLI TEXNOLOGIYALARNING ROLI

Abstract

So‘nggi yillarda davlat boshqaruvi tizimida shaffoflik, samaradorlik va hisobdorlik tamoyillarini kuchaytirish masalalari global darajada dolzarb yo‘nalishga aylandi. Ayniqsa, davlat moliyaviy nazorati tizimining samarali ishlashi  byudjet mablag‘larining maqsadli va oqilona sarflanishini ta’minlovchi eng muhim omil sifatida e’tirof etilmoqda. Shu jihatdan, raqamli texnologiyalarni nazorat tizimiga integratsiya qilish davlat moliyaviy boshqaruvini modernizatsiya qilishning ustuvor yo‘nalishiga aylandi.