TALABALARNING AKADEMIK MUVAFFAQIYATIGA TA’SIR ETUVCHI PSIXOLOGIK OMILLARNING TAHLILI: O‘ZINI-O‘ZI TARTIBGA SOLISH STRATEGIYALARI

Abstract

 Annotatsiya : Ushbu maqolada talabalarning akademik muvaffaqiyatiga ta’sir etuvchi asosiy psixologik omillar va ayniqsa o‘zini-o‘zi tartibga solish strategiyalarining o‘rni ilmiy-nazariy asosda tahlil qilinadi. Akademik faoliyatda muvaffaqiyatga erishish talabaning ichki motivatsiyasi, emotsional barqarorligi, vaqtni to‘g‘ri boshqarishi, refleksiya olib borishi va xulq-atvorini ongli nazorat qila olishiga bevosita bog‘liqdir. Maqolada o‘zini-o‘zi tartibga solishning kognitiv, emotsional va irodaviy komponentlari, shuningdek rejalashtirish, maqsad qo‘yish, monitoring, o‘z-o‘zini baholash kabi strategiyalar ilmiy manbalar asosida yoritiladi. Natijalar talabalarning o‘quv jarayonida faolligini oshirish, mas’uliyat hissini kuchaytirish va o‘quv samaradorligini ta’minlashda ushbu strategiyalarning amaliy ahamiyatini ko‘rsatadi.