ЯПОН МУШМУЛАСИ (Eriobotrya japonica Lindl.) НАМУНАЛАРИНИНГ ГУЛЛАШ ВА МЕВА ПИШИШ МУДДАТЛАРИ ВА ДАВОМИЙЛИГИ
Keywords:
Калит сўзлар: япон мушмуласи, фенология, гуллаш муддати, мева пишиши, интродукция, селекция.Abstract
Аннотация. Япон мушмуласи (Eriobotrya japonica Lindl.) субтропик мевали экин сифатида қишлоқ хўжалиги, манзарали боғдорчилик ва интродукция ишларида катта аҳамиятга эга. Ушбу мақолада Ўсимликлар генетик ресурслари илмий-тадқиқот институтида 2016–2019 йиллар давомида ўрганилган япон мушмуласи намуналарининг гуллаш муддатлари, гуллаш давомийлиги ҳамда гуллашдан мева пишишигача бўлган фенологик даврлари таҳлил қилинди. Олинган натижаларга кўра, гуллаш давомийлиги 49–58 кун оралиғида бўлиб, ўртача 52,36 ± 2,68 кунни ташкил этди. Гуллашдан мева пишишининг бошланишигача бўлган давр 116–132 кун, мева пишиш давомийлиги эса 33–44 кун оралиғида ўзгарди. Фенологик кўрсаткичларнинг ўзгарувчанлик коэффициентининг паст қийматлари (CV < 10 %) уларнинг нисбатан барқарор эканлигини кўрсатди. Тадқиқот натижалари япон мушмуласининг иқлимга мослашув хусусиятларини баҳолаш ва селекция ишларида истиқболли намуналарни танлашда муҳим аҳамиятга эга.
