ГЛОБАЛЛАШУВ ШАРОИТИДА АХБОРОТ-ПСИХОЛОГИК ХАВФСИЗЛИКНИ ТАЪМИНЛАШ МУАММОЛАРИ

Аннотация

Жамиятни ислоҳ қилиш ва бозор муносабатларига ўтиш билвосита оммавий ахборот воситалари орқали ҳамда бевосита шахслар, шахс ва гуруҳлар ўртасида биргаликда амалга ошириладиган ахборот-коммуникатив жараёнларни кескин фаоллаштирди. Бу эса, одамларга таъсир кўрсатишнинг манипулятив усуллари ва технологияларининг кенг тарқалишини ҳамда жадал равишда қўлланилишини рағбатлантирди. Ахборот-коммуникатив жараёнларда турли тоифадаги фуқароларга манипулятив таъсир кўрсатиш усулларидан фойдаланиш шахснинг ва умуман жамиятнинг ахборот-психологик хавфсизлигига таҳдид қиладиган кўламларга етиб борди.