AHOLI BANDLIGIGA KO‘MAKLASHISHGA VA IQTISODIY O‘SISHIDA TIJORAT BANKLARINING ROLI (“TURONBANK” ATB MISOLIDA)

Abstract

Bozor iqtisodiyotiga asoslangan zamonaviy O‘zbekiston sharoitida iqtisodiy o‘sishni jadallashtirish va aholining ijtimoiy farovonligini oshirish masalalari dolzarb ahamiyat kasb etmoqda. Ushbu jarayonda tijorat banklarining o‘rni alohida ahamiyatga ega bo‘lib, ular nafaqat moliyaviy xizmatlar ko‘rsatadi, balki ish o‘rinlari yaratish, tadbirkorlikni rivojlantirish va iqtisodiy faollikni oshirish orqali aholi bandligini ta’minlashga ham bevosita hissa qo‘shmoqda. Xususan, “Turonbank” ATB faoliyatining tahlili orqali tijorat banklarining mazkur sohalardagi real ta’sirini aniqlash mumkin. Tijorat banklari mamlakat iqtisodiyotining muhim tayanch institutlaridan biri hisoblanadi. Ular sarmoyalarni jalb qilish, korxonalarni moliyalashtirish, aholiga kredit berish, investitsion loyihalarni qo‘llab-quvvatlash orqali iqtisodiy barqarorlikka xizmat qiladi. Ayniqsa, kichik va o‘rta biznes subyektlariga kreditlar ajratish orqali ularning faoliyatini kengaytirish va yangi ish o‘rinlarini yaratish imkoniyatlari yaratiladi. Bandlik – bu ijtimoiy-iqtisodiy barqarorlikning muhim mezonlaridan biri. Tijorat banklari ushbu sohada kreditlash siyosati, moliyaviy ko‘mak dasturlari va investitsion loyihalar orqali faol ishtirok etmoqda. Yangi ish o‘rinlarini yaratish bilan bog‘liq loyihalarni moliyalashtirish orqali banklar nafaqat iqtisodiy rivojlanishga, balki ijtimoiy barqarorlikka ham xizmat qilmoqda.