BOSHLANG‘ICH TA’LIMDA QIZIQARLI MATEMATIKANING O‘RNI

Abstract

Annotasiya: Mazkur maqolada matematika fanini o‘rgatishda qiziqarli masalalarning o‘quv jarayoniga ta’siri va ularning ta’lim sifatini oshirishdagi o‘rni tahlil qilinadi. O‘quvchilarning mantiqiy fikrlashini rivojlantirish, ijodiy yondashuvni shakllantirish va matematika faniga bo‘lgan qiziqishni oshirishda qiziqarli masalalar muhim rol o‘ynaydi. Maqolada interfaol o‘qitish metodlari, qiziqarli masalalar orqali o‘quvchilarni faollashtirish, ularning bilimlarini mustahkamlash va motivatsiyani oshirish imkoniyatlari ko‘rsatilgan. Shuningdek, matematik tafakkurni rivojlantirishda va o‘quvchilarning mustaqil fikrlash qobiliyatini oshirishda qiziqarli masalalarning ahamiyati ko‘rib chiqilgan. Masalalar yordamida o‘quvchilar nafaqat bilimlarni o‘zlashtirishadi, balki ular o‘z fikrlarini erkin ifoda etishga, mantiqiy xulosalar chiqarishga va o‘z ustida ishlashga o‘rganadilar. Maqolada shuningdek, bunday masalalarning turli yoshdagi o‘quvchilar uchun moslashuvchanligi va amaliy tajribalar tahlil qilinadi.