OʻZBEK VA INGLIZ TILLARIDA GRAMMATIK XATOLIKLAR BILAN ISHLASH METODIKASI

Abstract

Kirish: Bugungi globallashuv jarayonida xorijiy tillarni, ayniqsa ingliz tilini oʻrganishga boʻlgan ehtiyoj ortib borayotgan bir paytda, oʻquvchilarning grammatik bilim va koʻnikmalarini shakllantirish muhim masalaga aylangan. Xatoliklar har qanday tilni oʻrganish jarayonining ajralmas qismidir. Xususan, grammatik xatoliklar nafaqat bilim darajasining belgisi, balki metodik yondashuvning qanday tanlanganiga ham bogʻliqdir. Ushbu tezisda oʻzbek va ingliz tillarini oʻrgatishda uchraydigan grammatik xatoliklar tahlil qilinib, ularga qarshi samarali metodik yondashuvlar taklif etiladi.