APOKALIPTIK G‘OYALARNING JAMIYAT IJTIMOIY HAYOTIGA TA’SIRI

Abstract

Insoniyat tarixida apokaliptik g‘oyalar – ya’ni oxirzamon, qiyomat va dunyoning yakuni haqidagi tasavvurlar doimo muhim diniy-falsafiy fenomen sifatida mavjud bo‘lib kelgan. Ular nafaqat diniy e’tiqodlar tizimida, balki jamiyatning ijtimoiy, siyosiy va madaniy hayotida ham chuqur iz qoldirgan. Ayniqsa, yangi diniy harakatlar shakllanishida apokaliptik tafakkur asosiy mafkuraviy o‘rin tutib, tarafdorlarni jamoaviy e’tiqod, radikallashuv va ko‘pincha zo‘ravonlikka undagan. Shu bois apokaliptik g‘oyalar zamonaviy sotsiologiya, dinshunoslik va siyosatshunoslik uchun nafaqat nazariy, balki amaliy ahamiyatga ega bo‘lgan tadqiqot obyekti sifatida qaralmoqda.