RENTGEN NURLARI

Abstract

Annotatsiya: Rentgen nurlari insoniyat ilm-fanida va tibbiyotda inqilob yaratgan kashfiyotlardan biridir. Ularning kashf etilishi va qo‘llanilishi inson tanasining ichki tuzilishini ko‘rish imkonini berdi, bu esa kasalliklarni erta aniqlash va samarali davolashga yordam berdi. Rentgen nurlari elektromagnit to‘lqinlarning yuqori energiyali qismi bo‘lib, ularning to‘lqin uzunligi ko‘zga ko‘rinadigan yorug‘likdan ancha qisqa. Bu xususiyat ularni moddaning zichligi va tarkibiga qarab turli darajada so‘rilishiga olib keladi. Shu sababli, rentgen nurlari yordamida suyaklar, organlar va boshqa ichki tuzilmalar tasvirini olish mumkin.