YALLIG‘LANISHGA QARSHI NOSTEROID DORILAR: TA’SIRI VA ASORATLARI
Keywords:
Kalit so’zlar: yallig‘lanishga qarshi nosteroid dorilar, prostaglandin, COX-1, COX-2, og‘riq, isitma, gastrit, buyrak yetishmovchiligi, yurak-qon tomir asoratlari, selektiv ingibitorlar.Abstract
Annotatsiya: Ushbu maqolada yallig‘lanishga qarshi nosteroid dorilarning (YAQND) farmakologik ta’siri, terapevtik qo‘llanilishi va salbiy asoratlari tizimli ravishda tahlil qilingan. YAQNDlar prostaglandinlar sintezini inhibitsiya qilish orqali og‘riqni kamaytirish, yallig‘lanishni to‘xtatish va isitmani pasaytirish xususiyatlariga ega. Ular revmatizm, osteoartroz, travmalar, nevralgiyalar va boshqa ko‘plab kasalliklarda keng qo‘llaniladi. Shu bilan birga, YAQNDlar nomutanosib COX-1 va COX-2 inhibitsiyasi orqali me’da-ichak, buyrak va yurak-qon tomir tizimiga salbiy ta’sir ko‘rsatishi mumkin. Asoratlar orasida gastrit, yara kasalligi, qon ketish, buyrak yetishmovchiligi, tromboz, insult va allergik reaksiyalar mavjud. Maqolada bu dori vositalarini ehtiyotkorlik bilan, individual yondashuv asosida qo‘llash zarurligi, profilaktik choralar va xavfsizlik mezonlari haqida ham batafsil ma’lumot berilgan. YAQNDlarning klinik amaliyotdagi dolzarbligi ularning to‘g‘ri qo‘llanish strategiyasiga bevosita bog‘liq ekani ilmiy asosda bayon etilgan.
