ISLOMDA TA’LIM VA AXLOQ

Abstract

Annotatsiya: Mazkur ilmiy maqolada Islom dinida ta‘lim va axloqiy tarbiyaning tutgan o‘rni Qur‘oni Karim, hadislar va zamonaviy islomiy adabiyotlar asosida chuqur tahlil qilingan. Ta‘lim — ilm olishning zarurligi, axloq esa inson shaxsiyatining asosiy tayanchi sifatida yoritilgan. Islom tarixida yetishib chiqqan allomalarning ilm-fan va axloqiy qadriyatlarni uyg‘unlashtirish borasidagi hissasi alohida ko‘rsatilgan. Maqolada O‘zbekiston musulmonlari idorasi tomonidan tasdiqlangan adabiyotlar asosida ilmiy fikrlar bayon etilgan. Shu bilan birga, ilm va axloqning zamonaviy musulmon yoshlar tarbiyasidagi ahamiyati ham tahlil qilinadi. Yozilgan fikrlar bugungi ijtimoiy muhitda yoshlarda sog‘lom dunyoqarashni shakllantirishda asosiy omil sifatida xizmat qiladi. Islom dini har tomonlama mukammal hayot tarzini ta’minlashga, insonlarni ma’naviy va axloqiy jihatdan mukammallashtirishga chaqiradi. Ta’lim va axloq – bu ikki tushuncha, Islomda bir-birini to‘ldiruvchi va bir-biriga bog‘liq bo‘lgan asosiy qadriyatlar hisoblanadi. Islomda ta’lim olishning ahamiyati, faqat dunyoqarashni kengaytirish va ilmiy bilimlarni oshirishda emas, balki insonni axloqiy jihatdan kamolga yetkazish va to‘g‘ri yo‘lga yo‘naltirishda ham namoyon bo‘ladi. Islomda ta’lim va axloq bir-birini kuchaytiruvchi, o‘zaro bog‘langan jarayonlar bo‘lib, musulmonlarning kundalik hayotiga chuqur ta’sir qiladi.Islomda ta’limni o‘rganish, har bir musulmonning ijtimoiy, diniy va axloqiy majburiyatlaridan biridir. Qur’oni Karimda va hadislarida ta’lim va axloqning ahamiyati ko‘plab misollar bilan tasdiqlangan. Payg‘ambarimiz Muhammad (s.a.v) ta’lim olishni va o‘z axloqiy sifatlarini rivojlantirishni har bir musulmon uchun farz deb e’lon qilgan. Ushbu maqolada, Islomda ta’lim va axloqning o‘zaro bog‘liqligi, ularning hayotdagi roli va ahamiyati to‘g‘risida batafsil so‘z yuritiladi.