NEFT VA GAZ QUDUQLARI DEVORINI MUSTAHKAMLASH: KOLONALARNI SEMENTLASH TEXNOLOGIYASI VA MUAMMOLAR.
##semicolon##
Kalit so‘zlar: Neft va gaz quduqlari, Kolonalarni sementlash,Quduq devorini mustahkamlash, Sement pastasi,Qatlamlararo izolyatsiya,Zichlanmagan zona,Kanal hosil bo‘lishi,Sementlash muammolari,Termik kengayish,Harorat va bosim ta’siri,Sement tarkibining o‘zgarishi,Modifikatsiyalangan sement aralashmalari, Burg‘ulash xavfsizligi,Sementlash uskunalari,Sementlash texnologiyasi, Sementlash materiallari,Sement sifatini baholash,Ikki bosqichli sementlash,Sementlashdagi texnologik xatolarQuduqning barqarorligi##article.abstract##
ANNOTATSIYA: Neft va gaz quduqlarini xavfsiz va barqaror ekspluatatsiya qilishda quduq devorlarini mustahkamlash eng muhim texnologik bosqichlardan biri hisoblanadi. Ayniqsa, kolonalarni sementlash jarayoni qatlamlararo izolyatsiyani ta'minlash, quduq ichida bosimning barqarorligini saqlash hamda burg‘ulash ishlari davomida geologik xavflarning oldini olishda asosiy rol o‘ynaydi. Ushbu maqolada kolonalarni sementlash texnologiyasining asosiy bosqichlari, ishlatiladigan sement pastasining fizik-kimyoviy xossalari, ularni tayyorlash va quyish shartlari keng yoritiladi. Shuningdek, zamonaviy sementlash uskunalari, yuqori harorat va bosim sharoitida ishlashga moslangan materiallar va ularning quduq ichidagi xatti-harakatlari haqida ma’lumotlar beriladi. Maqolada ayniqsa quyidagi muammolar batafsil tahlil qilinadi: sementlash vaqtida kanal hosil bo‘lishi, zichlanmagan zonalar paydo bo‘lishi, quduq ichida sirtning notekisligi tufayli sement pastasining to‘liq joylashmasligi, sement suyuqligining qatlamlararo oqib ketishi va issiqlik ta’sirida sement tarkibining o‘zgarishi. Ushbu muammolarning oldini olish uchun qo‘llaniladigan muqobil yechimlar, ilg‘or usullar va texnologiyalar, xususan ikki bosqichli sementlash, kengayuvchi sementlar, haroratga chidamli stabilizatorlar va modifikatsiyalangan aralashmalar misolida yoritib beriladi. Maqola burg‘ulash sohasida faoliyat yuritayotgan mutaxassislar, muhandislar hamda neft-gaz sohasida ta’lim olayotgan talabalar uchun amaliy va nazariy jihatdan foydali bo‘lishi ko‘zda tutilgan
