MARKAZIY OSIYO VA MDH DAVLATLARIDA INTEGRATSIYALASHGAN TA’LIM

Abstract

Markaziy Osiyo va MDH davlatlarida integratsiyalashgan ta’lim modeli so‘nggi yillarda mintaqaviy hamkorlikni mustahkamlash yo‘lida muhim yo‘nalishlardan biri sifatida shakllanmoqda. Umumiy tarixiy va madaniy asoslar, o‘xshash ta’lim tizimlari, shuningdek, kadrlar almashinuvi va qo‘shma loyihalarga ehtiyoj bu jarayonni jadallashtirmoqda. Ayni paytda Rossiya, Qozog‘iston, O‘zbekiston kabi davlatlar o‘rtasida qo‘shma o‘quv dasturlari, akademik mobillik, onlayn ta’lim platformalari orqali tajriba almashish holatlari kengaymoqda. Bu integratsiya ta’lim sifati, raqobatbardoshlik va xalqaro standartlarga moslashuvni kuchaytirishga xizmat qilmoqda.