O‘ZBEK MAKTABLARIDA CLIL YONDASHUVI ASOSIDA INGLIZ TILINI O‘QITISHNING AFZALLIKLARI VA MUAMMOLARI

Abstract

Ushbu maqola O‘zbekiston maktablarida CLIL (Content and Language Integrated Learning) yondashuvi asosida ingliz tilini o‘qitish jarayonini o‘rganishga bag‘ishlangan. CLIL metodikasi — bu o‘quvchilarni ingliz tilida fanlarni o‘rganishga jalb etadigan, mazmun va tilni birlashtirgan yondashuvdir. Maqolada CLIL asosida ta’lim berishning afzalliklari, masalan, kommunikativ kompetensiyani rivojlantirishi, fanlararo integratsiyaga xizmat qilishi tahlil qilinadi. Shu bilan birga, CLILni o‘zlashtirishda uchraydigan muammolar, xususan, o‘qituvchilarning tayyorgarlik darajasi, o‘quv materiallarining yetishmasligi, til va mazmun muvozanatini saqlashdagi qiyinchiliklar ham yoritiladi. Tadqiqot natijalari asosida takliflar ilgari surilgan. Ushbu maqola ingliz tilini mazmun asosida o‘qitish metodikasiga qiziquvchi tadqiqotchilar, o‘qituvchilar va talabalarga foydali bo‘lishi mumkin.