BETA-BLOKERLAR: YURAK-QON TOMIR KASALLIKLARIDAGI O‘RNI VA MEXANIZMI
Keywords:
beta-blokerlar, yurak-qon tomir kasalliklari, gipertenziya, yurak ishemik kasalliklari, aritmiya, yurak yetishmovchiligi, adrenergik retseptorlar, farmakodinamika, terapevtik mexanizm, nojo‘ya ta’sirlar.Abstract
Ushbu maqolada beta-adrenoretseptor blokatorlari (beta-blokerlar)ning yurak-qon tomir kasalliklarida qo‘llanilishi, ularning farmakologik xususiyatlari, terapevtik samaradorligi va organizmga ta’sir mexanizmlari batafsil tahlil qilingan. Yurak ishemik kasalliklari, arterial gipertenziya, yurak ritm buzilishlari va yurak yetishmovchiligi kabi kasalliklarda beta-blokerlarning klinik ahamiyati chuqur o‘rganiladi. Beta-blokerlar yurak ritmini sekinlashtirib, yurak mushagining kislorodga bo‘lgan talabini kamaytiradi, qon bosimini pasaytiradi va yurak ishini yengillashtiradi. Tadqiqotlar ularning o‘lim darajasini kamaytirishdagi rolini isbotlagan. Shu bilan birga, preparatlarning turli sinflari, nojo‘ya ta’sirlari va qo‘llashdagi ehtiyot choralariga ham alohida e’tibor qaratilgan. Maqola zamonaviy kardiologiya amaliyotida beta-blokerlarning keng ko‘lamli va samarali qo‘llanilishini ilmiy asosda yoritib beradi.
