PSIXOLOGIK DIAGNOSTIKA ORQALI O‘QUVCHILARNING KASBIY QIZIQISHLARINI ANIQLASH
Keywords:
psixologik diagnostika,kasbiy qiziqish,o‘quvchi shaxsiyati,kasbga yo‘naltirish,test metodikasi,motivatsiya.Abstract
Mazkur maqolada o‘quvchilarning kasbiy qiziqishlarini aniqlashda psixologik diagnostika vositalaridan samarali foydalanish masalasi yoritiladi. O‘quvchilarning kasbiy yo‘nalishga bo‘lgan qiziqishlarini erta aniqlash ularning kelajakdagi kasb tanlash jarayoniga ijobiy ta’sir ko‘rsatadi. Maqolada zamonaviy psixologik testlar, metodikalar va ularning amaliyotdagi qo‘llanilishi, shuningdek, psixologik diagnostikaning natijalari asosida individual maslahatlar berish muhimligi ko‘rsatib beriladi. Psixologik yondashuv asosida o‘quvchilarda kasbiy motivatsiyani kuchaytirish, kasb tanlashdagi xatoliklarning oldini olish, shuningdek, maktabda kasbga yo‘naltirish faoliyatini tizimli tashkil etish yo‘llari tahlil qilinadi. Tadqiqotlar shuni ko‘rsatmoqdaki, psixologik diagnostika o‘quvchilarning qiziqishlari va qobiliyatlarini aniqlashda ishonchli vosita hisoblanadi.
