VIRTUAL VA REAL DUNYO: KIBERSPORT FALSAFASI VA UNING JAMIYATGA TA’SIRI

Abstract

Virtual va real dunyo kibersport falsafasi hamda uning jamiyatga ta’siri tahlil qilinadi. Kibersport zamonaviy texnologiyalar taraqqiyoti bilan shakllangan va bugungi kunda nafaqat o‘yin-kulgi, balki ijtimoiy hamda iqtisodiy fenomen sifatida ham namoyon bo‘lmoqda. Maqolada kibersport falsafiy jihatdan inson tafakkuri, intellektual mehnat va virtual muhitda shakllanadigan ijtimoiy aloqalar bilan bog‘liq ekani ochib beriladi. Shuningdek, uning an’anaviy sport bilan o‘xshash va farqli jihatlari, shaxsiy hamda jamoaviy rivojlanishdagi o‘rni tahlil qilinadi. Kibersportning yosh avlod ongiga ta’siri, uning ijobiy va salbiy jihatlari, jismoniy va psixologik salomatlikka ta’siri ham tadqiq etiladi. Shu bilan birga, kibersportning jamiyatda kasb sifatida qabul qilinishi, iqtisodiyot va ta’lim sohalariga ta’siri ham muhokama qilinadi. Tadqiqot natijalari kibersportning falsafiy mohiyati va uning real dunyo bilan bog‘liqligini yaxshiroq tushunishga yordam beradi. Inson va sun’iy intellekt o‘rtasidagi raqobatning kibersportda qanday namoyon bo‘layotgani hamda bu jarayonning kelajak falsafasi tahlil qilinadi. Sun’iy intellektning rivojlanishi kibersportning yangi bosqichga ko‘tarilishiga olib kelmoqda va bu insonning intellektual hamda strategik qobiliyatlariga ta’sir qilmoqda. Maqolada kibersportda sun’iy intellektdan foydalanishning afzalliklari va xavflari, uning inson aqliy va jismoniy rivojlanishiga ta’siri muhokama qilinadi. Bundan tashqari, inson va sun’iy intellekt o‘rtasidagi raqobatning axloqiy, ijtimoiy va madaniy jihatlari ham tahlil qilinadi. Ushbu tadqiqot kibersportning kelajakdagi falsafiy yo‘nalishlarini aniqlashga, texnologiya va inson o‘rtasidagi muvozanatni tushunishga yordam beradi.