ISHSIZLIKNI KAMAYTIRISHDA TA’LIM VA QAYTA TAYYORLASHNING AXAMIYATI

Abstract

Ushbu maqola ishsizlikni kamaytirish jarayonida ta’lim va qayta tayyorlashning ahamiyatini o‘rganadi. Ishsizlik, iqtisodiy rivojlanishning eng muhim to‘siqlaridan biri bo‘lib, ijtimoiy barqarorlikka salbiy ta’sir ko‘rsatadi. Maqolada ta’lim tizimining, xususan, kasb-hunar ta’limining ishsizlikni kamaytirishga qanday hissa qo‘shishi, shuningdek, yangi iqtisodiy sharoitlarga moslashish uchun qayta tayyorlash dasturlarining roli batafsil tahlil qilinadi. Mualliflar, ta’lim va malaka oshirish orqali ishchilarni zamonaviy mehnat bozorining talablariga moslashtirish, ularning malakasini oshirish va yangi ko‘nikmalarni egallashlarini ta’minlash muhimligini ta’kidlaydilar. Shuningdek, maqolada davlat va xususiy sektor o‘rtasidagi hamkorlik, ta’lim dasturlarining sifatini oshirish va ish beruvchilarning talablariga javob beradigan malakali kadrlar tayyorlash zarurligi haqida fikrlar bildiriladi. Natijada, ta’lim va qayta tayyorlash orqali ishsizlikni kamaytirishning samarali strategiyalarini ishlab chiqish imkoniyatlari ko‘rib chiqiladi.