OPERATORNING XUSUSIY FUNKSIYALARI VA XUSUSIY QIYMATLARI

Abstract

Ushbu tezisda kvant mexanikada operatorlarning xususiy funksiyalari va xususiy qiymatlari tushunchasi ko‘rib chiqiladi. Operatorlar kvant tizimlarning fizik kattaliklarini tavsiflash uchun ishlatiladi, ularning xususiy funksiyalari esa ehtimollik taqsimotini aniqlaydi. Shrodinger tenglamasi misolida energiyaning diskret xususiy qiymatlari va ularning fizik interpretatsiyasi tahlil qilinadi. Shuningdek, kvant mexanikaning amaliy qo‘llanilish sohalari, jumladan, spektroskopiya, qattiq jism fizikasi va kvant hisoblash bilan bog‘liq jihatlar yoritiladi. Mazkur tadqiqot kvant sistemalarni chuqurroq tushunish uchun zarur bo‘lgan fundamental tushunchalarni o‘z ichiga oladi.