HUDUDIY EKOLOGIK MUAMMOLARNI YORITISHDA OMMAVIY AXBOROT VOSITALARINING ROLI

Abstract

Bugungi kunda ekologik muammolar insoniyatning eng dolzarb masalalaridan biriga aylangan. Atrof-muhitning ifloslanishi, tabiiy resurslarning kamayishi, iqlim o‘zgarishlari kabi jarayonlar nafaqat global miqyosda, balki hududiy darajada ham jiddiy muammolarni keltirib chiqarmoqda. Hududiy ekologik muammolar mahalliy aholining hayot sifatiga bevosita ta’sir ko‘rsatadi va ularni hal qilishda ommaviy axborot vositalarining roli beqiyosdir. Ommaviy axborot vositalari — televideniye, radio, gazeta va internet — ekologik muammolarni yoritishda muhim axborot manbai bo‘lib, jamiyatda ekologik ongni oshirish, muammolarni aniqlash va ularni hal qilishga jamoatchilik e’tiborini jalb qilishda faol ishtirok etadi.