INTERNETNING YOSHLAR ONGGIGA TA’SIRI

Abstract

Mazkur maqolada internetning zamonaviy jamiyatda tutgan o‘rni va uning ayniqsa yoshlar ongiga ko‘rsatadigan ta’siri atroflicha tahlil etiladi. Internetning ijobiy jihatlari qatori salbiy ta’sirlari ham yoritiladi. Xususan, yoshlarning ijtimoiy ongini shakllantirishda internet axborotlarining roli, virtual muhitda shakllanayotgan qadriyatlar, yolg‘on axborotlar, zo‘ravonlik va yot g‘oyalarning tarqalishi hamda ular bilan kurashish yo‘llari muhokama qilinadi. Shuningdek, maqolada internetdan foydalanish madaniyati, media savodxonlik va ota-ona nazoratining ahamiyati haqida ham fikr yuritiladi. Tadqiqot natijalariga tayanib, yoshlarning internetdan foydalanishini sog‘lom yo‘nalishga burish bo‘yicha tavsiyalar ilgari suriladi.