ABDULLA ORIPOV – EL ARDOG‘IDAGI SHOIR, MILLAT FAXRI

Abstract

Ushbu maqolada o‘zbek xalqining sevimli shoiri, milliy adabiyotimiz faxri bo‘lgan Abdulla Oripovning hayoti, adabiy faoliyati, tarjimonlik merosi va jamiyatdagi o‘rni haqida so‘z yuritiladi. Shoirning Vatanga, millatga, adolatga, muhabbat va insoniy qadriyatlarga bag‘ishlangan she’rlari o‘zbek she’riyatining yangi bosqichini boshlab bergan asarlardir. Ayniqsa, uning tarjimachilik faoliyati (xususan Dante Aligeri, Pushkin, Shekspir asarlari tarjimalari) orqali u o‘zbek kitobxonini jahon adabiyoti bilan tanishtirgan. Maqolada shoirning jamiyatdagi ijtimoiy-siyosiy faoliyati, mukofotlari, milliy madhiyaning muallifi sifatidagi o‘rni ham atroflicha yoritilgan.