BUYUK IPAK YO‘LI SHAHRLARINING ME’MORCHILIK YODGORLIKLARI

Abstract

Buyuk Ipak yo‘li — qadimda Osiyoni Yevropa bilan bog‘lab turgan eng muhim savdo yo‘llaridan biri bo‘lib, u faqatgina iqtisodiy almashuvlar emas, balki madaniyat, ilm-fan, san’at va me’morchilik sohalarining ham rivojlanishiga kuchli turtki bergan. Bu yo‘l bo‘ylab joylashgan qadimiy shaharlar o‘zining betakror me’morchilik yodgorliklari bilan jahon tamadduni rivojiga ulkan hissa qo‘shgan. Samarqand, Buxoro, Hirot, Marv, Xiva, Tabriz, Rey, Kesh (Shahrisabz) va boshqa ko‘plab shaharlardagi tarixiy obidalar bugungi kunda ham bu buyuk yo‘lning madaniy ahamiyatini yodga solib turadi.