SUN’IY INTELLEKT YORDAMIDA MATEMATIK BILIMLARNI O‘ZLASHTIRISHNI SAMARALI TASHKIL ETISH

Аннотация

Sun’iy intellekt  so‘nggi yillarda ta’lim sohasida tub o‘zgarishlarni amalga oshirmoqda. Ayniqsa, matematik bilimlarni o‘zlashtirish jarayonida sun’iy intellektning roli tobora ortib bormoqda. Matematikani o‘rganish ko‘plab o‘quvchilar uchun murakkab va qiyin jarayon bo‘lishi mumkin. Bu fanning abstrakt tabiati, murakkab formulalar va mantiqiy fikrlash talab qilishi ta’lim jarayonini qiyinlashtiradi. Shu bois, ta’limda samaradorlikni oshirish, o‘quvchilarning individual ehtiyojlariga moslashish va ularning qiziqishini uyg‘otish uchun yangi texnologiyalar, xususan sun’iy intellektdan foydalanish zarurati tug‘ildi.