O’ZBEKISTONDA DAVLAT ORGANLARINING MEHNATGA HAQ TO’LASH TIZIMINI TAKOMILLASHTIRISH MASALALARI

Аннотация

O’zbekistonda mehnatga haq to’lash tizimi mehnat bozorining muhim tarkibiy qismlaridan biri bo’lib, iqtisodiy barqarorlikni ta’minlash, ijtimoiy adolatni o’rnatish va ishchilarning huquqlarini himoya qilishda muhim rol o’ynaydi. Ushbu tizimning dolzarbligi, avvalo, mehnat bozoridagi mehnat resurslarining samarali taqsimlanishi, ishchilarning ish haqi darajasining optimalligi va ishga bo’lgan ehtiyojni ta’minlashga qaratilganligi bilan izohlanadi. Tizimning ahamiyati esa nafaqat iqtisodiy jihatdan, balki ijtimoiy nuqtai nazardan ham katta bo’lib, mehnatga haq to’lashning o’z vaqtida va to’liq amalga oshirilishi, xodimlarning ijtimoiy himoyasini ta’minlash, ularning turmush darajasini yaxshilashda muhim ahamiyatga ega.