ONTOGENEZ VA FILOGENEZ O‘RTASIDAGI BOG‘LANISHLAR

Аннотация

Mazkur ishda ontogenez (individual rivojlanish) va filogenez (evolyutsion rivojlanish) jarayonlari o‘rtasidagi o‘zaro bog‘liqlik tahlil qilinadi. Ontogenez organizmning tug‘ilishdan to yetuklikgacha bo‘lgan rivojini aks ettirsa, filogenez butun turning tarixiy taraqqiyotini ifodalaydi. Ular o‘rtasidagi munosabatni birinchi bo‘lib E. Gekkel izohlagan bo‘lib, uning nazariyasiga ko‘ra ontogenez filogenezning qisqargan va o‘zgartirilgan takrorlanishidir. Bu bog‘liqlik organizmlarning embrional rivojlanish bosqichlarida ajdodlarga xos belgilar namoyon bo‘lishi orqali yaqqol ko‘zga tashlanadi. Ontogenezdagi o‘zgarishlar filogenezni shakllantirishda muhim rol o‘ynaydi va evolyutsion biologiya uchun katta ilmiy ahamiyat kasb etadi.