KICHIK BIZNES SUBYEKTLARINI RIVOJLANTIRISHDA INNOVATSIYALARNING O‘RNI

Abstract

Annotatsiya:Mazkur maqolada kichik biznes subyektlarining rivojlanishida innovatsiyalarning ahamiyati o‘rganilgan. Bugungi globallashuv sharoitida kichik biznesning samarali faoliyat yuritishi innovatsion jarayonlarga bog‘liq. Innovatsiyalar mahsulot va xizmatlar sifatini oshirish, raqobatbardoshlikni kuchaytirish, yangi bozorlarni o‘zlashtirish va iqtisodiy o‘sishga erishishda muhim ahamiyat kasb etadi. Maqolada, kichik biznesning iqtisodiy o‘sish va yangi ish o‘rinlari yaratishdagi roliga hamda innovatsion yondashuvlardan samarali foydalanish imkoniyatlariga to‘xtalib o‘tilgan. Shuningdek, kichik biznes subyektlarining innovatsiyalarni joriy etishda duch kelayotgan muammolar, jumladan, moliyaviy resurslarning cheklanganligi, texnologik infratuzilmaning yetishmovchiligi va kadrlar malakasining pastligi kabi qiyinchiliklar ham yoritilgan. Innovatsion rivojlanishni rag‘batlantirish uchun davlat tomonidan qo‘llab-quvvatlash, ilm-fan va biznes hamkorligini kuchaytirish, texnologik innovatsiyalarni joriy etish va kadrlar salohiyatini oshirish zarurligi ta’kidlanadi. Maqola kichik biznes subyektlarining innovatsion faoliyatini rivojlantirish va raqobatbardoshligini oshirish uchun amaliy tavsiyalarni o‘z ichiga oladi.