TALABALARDA IJTIMOIY TARMOQLARNING TA'SIRIGA QARSHI PSIXOLOGIK IMMUNITETNI RIVOJLANTIRISH

Abstract

Mazkur tadqiqotning asosiy maqsadi, talabalarda ijtimoiy tarmoqlarning salbiy ta’siridan himoya qilish va ularning psixologik immunitetini rivojlantirishning samarali usullarini o‘rganishdan iboratdir. Bugungi kunda ijtimoiy tarmoqlarning yoshlar, ayniqsa talabalar orasidagi o‘rni tobora kuchayib borayotgani, ular bilan bog‘liq muammolarni, xususan, salbiy psixologik ta’sirlarni bartaraf etish zaruratini keltirib chiqarmoqda.

Ushbu tadqiqotda ijtimoiy tarmoqlarning shaxsiy rivojlanish, o‘z-o‘zini qabul qilish va psixologik holatga bo‘lgan ta’siri o‘rganiladi. Bundan tashqari, talabalarda axborotlarni tanqidiy qabul qilish, manipulyatsiyalarga qarshi turish va salbiy ta’sirlarga bardosh bera olish ko‘nikmalarini rivojlantirishga alohida e’tibor qaratiladi. Tadqiqotda, psixologik immunitetni rivojlantirishda pedagogik yondashuvlar, ijtimoiy tarmoqlarga nisbatan salbiy reaktsiyalarni kamaytirish va yoshlarni ruhiy barqarorlikka o‘rgatishning ahamiyati ko‘rib chiqiladi.

Bu tadqiqot o‘zining pedagogik va psixologik yondashuvlari orqali talabalarning ijtimoiy tarmoqlarga bo‘lgan salbiy ta’sirlarini kamaytirishga yordam beradi va ularning psixologik xavfsizligini ta'minlaydi.