MEHNAT XAVFSIZLIGI SOHASIDAGI GLOBAL MUAMMOLAR

##article.abstract##

Zamonaviy sanoatning jadal rivojlanishi va texnologik jarayonlarning murakkablashishi mehnat xavfsizligini ta’minlashda yangi yondashuvlarni talab qilmoqda. An’anaviy usullar, ya’ni asosan inson omiliga tayanadigan xavfsizlik choraları, xavflarni oldindan aniqlash va ularga tezkor javob berishda yetarli samara bera olmayapti. Shu sababli, sanoat korxonalarida xavfsizlik tizimlarini avtomatlashtirish bugungi kunda texnik xavfsizlikni ta’minlashning eng muhim yo‘nalishlaridan biriga aylandi. Avtomatlashtirish real vaqtda monitoring, xavfli vaziyatlarni erta aniqlash va baxtsiz hodisalar xavfini minimallashtirish imkonini beradi. Ushbu tadqiqot sanoat korxonalarida xavfsizlik tizimlarini avtomatlashtirishning amaliy samaradorligini baholashga qaratildi. Tadqiqotning asosiy maqsadi avtomatlashtirilgan xavfsizlik tizimlarining mehnat xavfsizligi, ishlab chiqarish samaradorligi va iqtisodiy ko‘rsatkichlarga ta’sirini tahlil qilish, shuningdek, ushbu texnologiyalarning afzalliklari va cheklovlarini aniqlashdir.
Sanoat jarayonlarida xavfsizlikni avtomatlashtirish nafaqat ishchilar salomatligini himoya qilish, balki ishlab chiqarishning uzluksizligini ta’minlash va iqtisodiy samaradorlikni oshirishda ham muhim ahamiyatga ega [1]. Shu sababli, ushbu sohada ilmiy tadqiqotlar o‘tkazish va istiqbolli rivojlanish yo‘nalishlarini belgilash dolzarb vazifadir. Maqola avtomatlashtirilgan xavfsizlik tizimlarining sanoat korxonalaridagi samaradorligini tahlil qiladi va ularning amaliy natijalarini baholaydi.