ТЕРГОВ ҚИЛИШГА ЁКИ СУД ИШЛАРИНИ ҲАЛ ЭТИШГА АРАЛАШИШНИ КВАЛИФИКАЦИЯ ҚИЛИШ МАСАЛАЛАРИ

Аннотация

Жиноят ҳуқуқи бўйича шахснинг қилмишида жиноят қонунида белгиланган аниқ жиноят таркиби барча белгиларининг мавжудлиги жиноий жавобгарликнинг ягона асоси бўлиб ҳисобланади. Шу боис, шахснинг содир этган қилмиши жиноят қонунининг аниқ моддасида назарда тутилган бўлсагина, у жиноий жавобгарликка тортилиши мумкин.

Шахснинг муайян жиноятни содир этишда айбдорлиги масаласини
ҳал этишда тергов органлари, прокурор ёки суд у содир этган қилмишнинг барча белгиларини қамраб олувчи жиноий-ҳуқуқий нормани танлашлари, яъни унинг қилмишини квалификация қилишлари керак.