TIBBIYOT TALABALARI ORASIDA KO‘RISH QOBILIYATINING PASAYISHIGA ZAMONAVIY TEXNOLOGIYALARNING TA’SIRI
Keywords:
ko‘rish qobiliyatining pasayishi, tibbiyot talabalari, raqamli texnologiyalar, ko‘z salomatligi, gadjetlardan foydalanish, profilaktika, sog‘lom raqamli odatlarAbstract
Zamonaviy jamiyatda texnologiyalarning jadal rivojlanishi inson salomatligiga sezilarli darajada ta’sir ko‘rsatmoqda. Ayniqsa, yoshlar, jumladan tibbiyot talabalari orasida kompyuter va smartfon kabi gadjetlardan ortiqcha foydalanish tufayli ko‘rish qobiliyatining pasayishi holatlari tobora ko‘paymoqda. Ushbu tadqiqotda Qo‘qon universiteti Andijon filialida tahsil olayotgan tibbiyot yo‘nalishidagi talabalar va o‘qituvchilar o‘rtasida o‘tkazilgan so‘rovnoma asosida ko‘rish muammolari, ularning sabablari va keng tarqalgan simptomlari tahlil qilindi. Olingan natijalar, gadjetlardan noto‘g‘ri va haddan tashqari foydalanish holatlarining ko‘rish salomatligiga qanday salbiy ta’sir ko‘rsatishini aniq tasdiqlaydi. Tadqiqot natijalari asosida muammoga qarshi samarali profilaktika va ongli foydalanish choralarini ishlab chiqish bo‘yicha tavsiyalar berildi.
