“ALOHIDA YORDAMGA EHTIYOJI BO’LGAN NUQSONI BOR BOLALAR UCHUN KOMPLEKS REABILITATSIYA MARKAZLARI FAOLIYATI.”
Keywords:
Reabilitatsiya markazlari, maxsus ehtiyojli bolalar, ko‘rish nuqsoni, eshitish nuqsoni, nutq buzilishlari, aqliy rivojlanishdagi nuqson, kompleks yondashuv, psixologik-pedagogik yordam, inklyuziv ta’lim, ijtimoiy moslashuv, defektologik xizmat, tibbiy-psixologik yordam.Abstract
Ushbu maqola alohida yordamga ehtiyoji bo‘lgan, ko‘ruv, eshitish, nutq, motorika va aqliy rivojlanishida nuqsoni bor bolalar uchun kompleks reabilitatsiya markazlarining faoliyati va uning samaradorligini chuqur tahlil qiladi. Maqolada ushbu markazlarning asosiy vazifalari – bolalarning jismoniy, ruhiy, psixologik va ijtimoiy rivojlanishini qo‘llab-quvvatlash, ularni ta’lim jarayoniga moslashtirish, mustaqil hayotga tayyorlash kabi yo‘nalishlar bayon etilgan. Reabilitatsiya markazlarida ko‘rsatiladigan tibbiy, logopedik, defektologik, psixologik, fizioterapevtik va ijtimoiy xizmatlar haqida batafsil ma’lumot berilgan. Shuningdek, maqolada markazlarning moddiy-texnik bazasi, mutaxassislar tarkibi va ularning professional malakasi, shuningdek, multidissiplinar yondashuvning samaradorligi tahlil qilinadi. O‘zbekistondagi reabilitatsiya tizimidagi mavjud muammolar — moliyaviy cheklovlar, kadr yetishmovchiligi, zamonaviy texnologiyalarni joriy qilishdagi qiyinchiliklar va jamiyatdagi noto‘g‘ri tushuncha kabi omillarni ko‘rsatadi. Tadqiqot natijalari kompleks reabilitatsiya markazlarining nogironligi bo‘lgan bolalarning ijtimoiy integratsiyasida, ta’lim jarayonida muvaffaqiyatli qatnashuvida va ularning oilalarining qo‘llab-quvvatlanishida muhim rol o‘ynashini isbotlaydi.
