ILMIY ADABIYOTLAR TAHLILI ASOSIDA EVRISTIK YONDASHUVNING ASOSLARI

Abstract

Bugungi globallashuv va raqamli transformatsiya davrida ta’lim tizimi oldida turgan asosiy vazifalardan biri – shaxsni har tomonlama rivojlantirish, uni hayotiy faoliyatda mustaqil va ongli qarorlar qabul qila oladigan, ijodkorlikka moyil, tanqidiy fikrlashga ega bo‘lgan inson sifatida tarbiyalashdan iborat. Mazkur maqsadga erishishda an’anaviy, reproduktiv o‘qitish metodlari yetarli samara bermasligi ko‘plab tadqiqotlar va amaliy tajribalar orqali isbotlangan. Shu bois, zamonaviy pedagogikada innovatsion yondashuvlar, xususan, evristik yondashuv tobora muhim o‘rin egallamoqda.