ORGANIZMDAGI SUVNING HOLATI VA BIOLOGIK ROLI

Abstract

Suv hayot uchun asosiy omillardan biri hisoblanadi. Tirik organizmlar hayotining davom etishi, hujayralarning harakati, moddalar almashinuvining sodda va murakkab jarayonlari, tashqi hamda ichki muhit bilan o‘zaro munosabatlar birinchi navbatda suv ishtirokida amalga oshiriladi. Suvning o‘ziga xos fizik-kimyoviy xususiyatlari bor: u rangsiz, hidsiz, ta’msiz hamda tashqi sharoitga muvofiq tez o‘zgaruvchan, eng yaxshi erituvchi vosita sifatida tan olingan. Bu xususiyatlar uni barcha hayotiy jarayonlarning ajralmas tarkibiy qismi etib qo‘yadi. Tirik organizmlarning har bir hujayrasidan tortib to butun to‘qimalar, organlar, tizimlar va nihoyat butun organizm miqyosida suvning tutgan o‘rni beqiyos darajada ulkandir.