HAYVON NOMLARINING LINGVOMADANIY VA STILISTIK TAHLILI

Abstract

Mazkur maqolada ingliz va o‘zbek tillaridagi hayvon nomlarining lingvomadaniy mazmuni, konnotativ xususiyatlari hamda stilistik vazifalari qiyosiy jihatdan tahlil qilinadi. Hayvon nomlari nafaqat biologik obyektlarni ifodalovchi leksik birliklar, balki xalqning mentaliteti, madaniy qadriyatlari va estetik qarashlarini aks ettiruvchi muhim madaniy kodlar hisoblanadi. Tadqiqot davomida tanlangan hayvon nomlarining ijobiy, salbiy va neytral konnotatsiyalari, ularning badiiy, publitsistik va so‘zlashuv nutqida qo‘llanilishi hamda tarjimada yuzaga keladigan lingvomadaniy muammolar yoritiladi. Natijalar hayvon nomlarini tarjima qilishda lug‘aviy moslik bilan bir qatorda madaniy va kontekstual moslikni hisobga olish zarurligini ko‘rsatadi