YURAK QON-TOMIR KASALLIKLARI VA PSIXOLOGIK OMILLAR

Abstract

Ushbu tadqiqot yurak-qon tomir kasalliklari (YQTK) bilan og‘rigan bemorlar orasida psixologik omillar va kasallik og‘irligi o‘rtasidagi bog‘liqlikni aniqlashga qaratilgan. Kesimcha tadqiqotda 40–65 yoshdagi 100 nafar bemor ishtirok etdi. Depressiya, stress va xavotir darajalari mos psixodiagnostik vositalar yordamida baholandi, kasallik og‘irligi esa klinik parametrlar orqali aniqlangan. Natijalar shuni ko‘rsatdiki, depressiya va stress darajasi YQTK og‘irligi bilan kuchli ijobiy korrelyatsiyaga ega (r=0.42 va r=0.38, p<0.01), xavotir bilan bog‘liqlik biroz pastroq, ammo statistik jihatdan ahamiyatli (r=0.30, p=0.02). Ushbu tadqiqot natijalari psixologik omillarni baholash va davolash YQTK bemorlarida klinik natijalarni yaxshilashda muhim ekanligini ko‘rsatadi