TA’LIM MUASSASALARINI MOLIYALASHTIRISHDA OPTIMALLASHTIRISH ZARURATI VA YO‘NALISHLARI

Abstract

Ta’lim tizimini moliyalashtirishni optimallashtirish zamonaviy iqtisodiy sharoitda strategik ahamiyat kasb etmoqda. So‘nggi yillarda O‘zbekistonda ta’lim sohasiga ajratilayotgan mablag‘lar hajmi sezilarli darajada oshib, u davlat budjeti xarajatlarining eng yirik yo‘nalishlaridan biri sifatida shakllandi. Xususan, 2025 yil I chorak yakunlariga ko‘ra ta’lim xarajatlari 18,5 trln so‘mni tashkil etib, 2024 yilning mos davriga nisbatan 15,4 foizga oshgan. Shu bilan birga, ijtimoiy xarajatlar tarkibida ta’lim ulushi qariyb 46 foizni tashkil etgani mazkur sohaning ustuvorligini yaqqol namoyon etadi. Biroq moliyaviy resurslarning ko‘pligi ularning samarali ishlatilayotganini anglatmaydi, aksincha, optimallashtirish zaruratini yanada kuchaytiradi.