HUDUDIY SANOAT TUZILMASINI OPTIMALLASHTIRISHNING IQTISODIY MAZMUNI VA RIVOJLANISHDAGI ROLI

Abstract

Mintaqa sanoat tuzilmalarini raqamlashtirish bo‘yicha belgilangan vazifalarni talab darajasida amalga oshirish uchun zarur institutsional, moliyaviy va texnologik shart-sharoitlarni yaratish muhim ahamiyat kasb etadi. Mazkur jarayon qisqa muddatli choralar bilan hal etilmaydi, balki bosqichma-bosqich va strategik rejalashtirish asosida, o‘rta va uzoq muddatli istiqbolni hisobga olgan holda amalga oshiriladi. O‘zbekiston Respublikasi Prezidentining 2020 yil 5 oktyabrdagi PF-6079-sonli “Raqamli O‘zbekiston - 2030” strategiyasi va uni samarali amalga oshirish chora-tadbirlari to‘g‘risida”gi Farmonida raqamli iqtisodiyotni rivojlantirishning ustuvor yo‘nalishlari belgilab berilgan[1]. Mazkur hujjatga muvofiq, iqtisodiyotning real sektorida raqamli texnologiyalarni joriy etish, ayniqsa sanoat tarmoqlarini raqamlashtirish ustuvor vazifa sifatida qayd etilgan.