SUN’IY INTELLEKT VA RAQAMLI TEXNOLOGIYALARNING LIBOS DIZAYNIGA TA’SIRI: DIZAYNERLIK JARAYONIDA RAQAMLI TRANSFORMATSIYA IMKONIYATLARI

Abstract

Annotatsiya: Ushbu maqolada sun’iy intellekt va raqamli texnologiyalarning libos dizayniga ko‘rsatayotgan ta’siri har tomonlama tahlil qilingan. Tadqiqotda sun’iy intellekt yordamida modellar yaratish, mato tanlash, individual dizaynlar shakllantirish, ishlab chiqarishni optimallashtirish hamda ekologik barqarorlikni ta’minlash imkoniyatlari ko‘rib chiqildi. Xalqaro tajriba asosida Yevropa, Xitoy va AQShdagi ilg‘or texnologik yondashuvlar o‘rganildi. Ayniqsa, 3D-modellashtirish, virtual podiumlar, AR/VR texnologiyalari va aqlli matolar dizayn sohasida yangi bosqichni boshlab bergani ilmiy jihatdan asoslab berildi. Tadqiqot davomida dizayn faqat estetik ifoda emas, balki sun’iy intellekt orqali yaratilayotgan algoritmik va funksional tizimga aylangani ta’kidlandi. Shu bilan birga, texnologiyalarning dizaynerlik tafakkuriga ijobiy va salbiy ta’siri ham yoritilib, milliy dizayn maktablari bu jarayonga qanday moslashayotgani tahlil qilindi. Maqola sun’iy intellekt va dizayn o‘rtasidagi uyg‘unlikni tahliliy, nazariy va amaliy asosda ko‘rsatadi.