OLIY TA’LIM XIZMATLARI BOZORINING RIVOJLANISHIDA MARKЕTING FAOLIYATINING O‘RNI

Abstract

Annotatsiya. Mazkur tezisda Toshkent shahridagi oliy ta’lim muassasalarida o‘tkazilgan marketing tadqiqotlari natijalari tahlil qilinib, ta’lim xizmatlari rivojlanishiga ta’sir ko‘rsatayotgan asosiy omillar yoritilgan. Tadqiqot davomida talabalar va professor-o‘qituvchilar o‘rtasida onlayn so‘rovnomalar, intervyular hamda fokus-guruhlar tashkil etildi. Natijalarga ko‘ra, o‘quv jarayoni sifati, professor-o‘qituvchilarning malakasi, moddiy-texnik baza, o‘quv adabiyotlari va elektron resurslar, amaliyot jarayoni, korrupsiya holatlari hamda talabalar ehtiyojlari oliy ta’lim xizmatlarining samaradorligiga bevosita ta’sir etayotgan omillar sifatida belgilandi. Maqolada shuningdek, ta’lim sifatini oshirish, infratuzilmani yaxshilash, o‘quv resurslarini boyitish, amaliyotni samarali tashkil etish va korrupsiyaga qarshi kurashish bo‘yicha amaliy taklif va tavsiyalar berilgan.