СУРУНКАЛИ ГЕПАТИТ C НИ ЭРТА ТАШХИСЛАШ ВА ПРОГНОЗИНИ ЯХШИЛАШ: IL-10 (G108A) ВА TNF-α (G308A) ГЕН ПОЛИМОРФИЗМЛАРИНИ БАҲОЛАШ АСОСИДА

Abstract

Ушбу мақолада IL-10 (−1082 G/A) ва TNF-α (−308 G/A) ген полиморфизмлари сурункали вирусли гепатит C га мойиллик ва унинг прогрессияси билан аҳамиятли даражада боғлиқ эканлиги кўрсатилган. Таҳлил натижаларига кўра, ҳар икки ген бўйича AA генотипи ва A аллели беморларда назорат гуруҳига нисбатан ишончли даражада кўпроқ учраган бўлиб, бу уларнинг сурункали вирусли гепатит C ривожланиши учун хавф омиллари эканлигини тасдиқлайди. Аксинча, GG генотипи ва G аллели назорат гуруҳида кўпроқ аниқланган бўлиб, бу уларнинг касалликка нисбатан ҳимояловчи таъсирга эга эканлигини кўрсатади. Шунингдек, беморлар ва назорат гуруҳида IL-10 ва TNF-α генотипларининг тақсимланиши Харди–Вайнберг мувозанатига мос келгани тадқиқот намунасининг генетик жиҳатдан репрезентативлигини тасдиқлайди.