O‘QITUVCHILAR UCHUN PSIXOLOGIK XAVFSIZLIK MUHITINI YARATISH

Аннотация

Mazkur  maqolada  ta’lim  tizimida  o‘qituvchilarning  psixologik  xavfsizligini 
ta’minlash masalasi yoritilgan. Psixologik xavfsizlik tushunchasining mohiyati, uning 
o‘qituvchi  faoliyatiga  ta’siri,  maktab  muhitida  yuzaga  keladigan  asosiy  psixologik 
muammolar tahlil qilingan. Shuningdek, psixologik xavfsizlikni ta’minlashning amaliy 
yo‘llari  —  ochiq  muloqot,  rahbarlarning  qo‘llab-quvvatlashi,  ishonchli  jamoaviy 
munosabatlar, xatolarga nisbatan sog‘lom  yondashuv kabi omillar asosida ko‘rsatib 
berilgan. Maqola yakunida psixologik xavfsiz muhitning o‘qituvchining motivatsiyasi, 
kasbiy  rivojlanishi  va  ta’lim  sifatiga  ijobiy  ta’siri  asoslab  berilgan.  Ushbu  tadqiqot 
o‘qituvchilar faoliyatini ruhiy jihatdan barqarorlashtirishga xizmat qiladi va maktab 
jamoasida sog‘lom muhit yaratish bo‘yicha amaliy tavsiyalarni o‘z ichiga oladi. 
Bugungi tez sur’atlar bilan rivojlanayotgan zamonda ta’lim tizimi oldida turgan 
muhim  vazifalardan  biri  –  o‘qituvchilarning  psixologik  farovonligini  ta’minlashdir. 
Ta’lim  sifatini  oshirishda  faqat  o‘quvchilarning  emas,  balki  o‘qituvchilarning  ham 
ichki holati, ruhiy barqarorligi va o‘zini xavfsiz his qilishi muhim omil hisoblanadi. 
Maktabda o‘qituvchi o‘z fikrini erkin ifoda eta olishi, ijodiy g‘oyalar bilan chiqishi, 
xatodan  qo‘rqmay  harakat  qilishi  mumkin  bo‘lgan  sog‘lom  muhit  shakllantirilishi 
zarur.