YURIDIK XIZMAT XODIMINING PSIXOLOGIK KOMPETENSIYASI KO‘NIKMALARINI RIVOJLANTIRISH

Abstract

Yuristning  kasbiy  faoliyatining  xususiyatlari  huquqiy  professional  
funksiyalarining xususiyatidan kelib chiqadi. Yuristlar davlatning huquqiy sohasi bilan 
boshqalarga  qaraganda  kuchliroq  bog‘langanlar,  chunki  qonunlarni  bilish  va 
ma’lumotni tezda topish va qayta ishlash qobiliyati  ularning kasbiy muvaffaqiyatidagi 
asosiy  rolni  o‘ynaydi.  Huquqiy  ongni  shakllantirish  –  huquqiy  sikl  kasblari 
vakillarining o‘ziga xos xususiyatidir.  
Har qanday kasbiy faoliyatda, ayniqsa insonlar bilan zich olib boriladigan “inson 
va inson” kasbida  haqiqiy professionallikni rivojlantirishning asosiy mezoni kasbiy 
mahorat,  professional  kompetensiya  va  albatta  professional  kompetensiyaning 
ajralmas  qismi  bo‘lgan  psixologik  kompetensiya  vakolatdir.  Psixologik 
kompetensiyaning  rivojlanganligi,  kasbiy  kompetensiyaning  yuqori  darajadagi 
professionallikning muhim tarkibiy qismi va ko‘rsatkichidir. 
Yuridik  xizmat  xodimining  kasbiy  faoliyatida  ham  psixologik  kompetensiya 
ko‘nikmalarining rivojlanganligi muhim ahamiyat kasb etadi.