КЛЕЧАТКА ҚЎШИЛГАН ПИШИРИЛГАН КОЛБАСА ТАЙЁРЛАШ ВА ОРГОНОЛЕПТИК КЎРСАТКИЧЛАРИНИ ЎРГАНИШ
Abstract
Клетчатка озиқ-овқат таркибидаги танамиз ҳазм қила олмайдиган оз сонли моддалардан биридир ва унинг озуқавий қиймати, юқори эмас. Клетчатканинг етарли эмаслиги ошқозон-ичак трактининг функционал бузилишлари, дисбиёз, иммунитет тизимининг пасайиши, юрак-қон томир касалликлари, семириш, 2-тоифа диабет, холелитиёз, айрим саратон ва бошқа касалликларни ривожланишига олиб келади [1].
Шу сабабдан озик-овкат махсулотларини клетчатка билан бойитиш долзарб мавзуга айланиб бормокда.
Лаборатория шароитида пиширилган колбаса таркибини клечатка билан бойитиш бўйича тажриба ишлари амалга оширилди.
Колбаса қиймасини тайёрлашда Bosch MMB65G5M русумли блендердан фойдаланилди. Дастлаб блендерга ёғсиз мол гўшти юкланди, хом ашё майин масса ҳосил қилгунга қадар майдаланди, сўнг рецептура бўйича ош тузи ва зираворлар, чеснок солиниб 2 мин давомида аралашмаларни майдалаш давом эттирилди. Хайвон ёғи солиниб 1 мин давомида сўнгра озиқавий тола солиниб 30 секунд давомида блендер пичоқлари айлантирилди. Жараённинг охирги босқичида рецептура бўйича ун ва сув солиниб қийма аралаштирилди.
Қобиқ сифатида ичаклардан фойдаланилди. Аввалдан ювиб, тозаланган ва тузланган ичак яхшилаб чайиб ташланди ва қийма билан тўлдирилди. Қийма оараларига кириб қолган ҳавони ва гўшт селини чиқариб юбориш мақсадида тайёрланган колбаса батони узунаси бўйлаб игна санчиб чиқилди. 15-20 минутга колбаса қиймаси етилиши учун хона хароратида қолдирилди. Белгиланган вақтдан сўнг колбаса идишга солиниб утига 30-35оС ҳароратли сув солинди ва оловда 15 мин қайнатиб олинди. Колбаса батонлари қайноқ сувдан олингач қоғоз салфетка ёрдамида қуритилди ва совитилди. Ўсимлик ёғида қизиш жигарранг ҳосил қилгунга қадар қовириб олинди.
References
1. Пищевые волокна – важный компонент здорового питания https://77.rospotrebnadzor.ru/index.php/doc/infdoc/9031-pishchevye-volokna-vazhnyj-komponent-zdorovogo-pitaniya
2. Corbo M.R., Bevilacqua A., Petruzzi L., Casanova F.P., Sinigaglia M. Functional beverages: the emerging side of functional foods // Compr. Rev. Food Sci. Food Saf. 2014. – № 13 (6). – p. 1192-1206.
3. Bailey R. Foods for Specified Health Use (FOSHU) as functional foods in Japan: Japan has a regulatory framework for the growing area of//Functional food. 2018.
