FAVQULODDA VAZIYATLARDA VAZIYATNI BAHOLASHNING INTEGRAL MODELI VA UNING TIBBIY-SANITAR AHAMIYATI
Abstract
Zamonaviy jamiyatda tabiiy va texnogen favqulodda vaziyatlarning yuzaga kelish ehtimoli ortib borayotganligi aholi salomatligini muhofaza qilish tizimiga yangi talablarni qo‘ymoqda. Favqulodda vaziyatlar natijasida sanitariya-gigiyena sharoitlarining yomonlashuvi, tibbiy infratuzilmaning izdan chiqishi hamda infeksion kasalliklar tarqalish xavfining ortishi kuzatiladi. Bunday sharoitlarda vaziyatni tezkor va kompleks baholash favqulodda vaziyat oqibatlarini minimallashtirishda muhim ahamiyat kasb etadi. Vaziyatni baholashning integral modeli epidemiologik, sanitariya-gigiyenik, ekologik va ijtimoiy ko‘rsatkichlarni birlashtirgan holda tahlil qilish imkonini beruvchi samarali yondashuv sifatida qaraladi. Ushbu model favqulodda vaziyat hududida tibbiy-sanitariya choralarini rejalashtirish va boshqarish jarayonida muhim ilmiy-amaliy ahamiyatga ega.
