RADIATSION XAVFNI BAHOLASHDA ZAMONAVIY DOZIMETRIA METODLARINING QIYOSIY TAHLILI VA SAMARADORLIGI

Abstract

Kirish. Ionlashtiruvchi nurlanish manbalari tibbiyot, sanoat, energetika va ilmiy tadqiqotlarda keng qo‘llanilmoqda. Shu sababli radiatsion xavfni baholash va nurlanish darajasini aniq nazorat qilish zamonaviy gigiyena va radiatsion xavfsizlik tizimining muhim yo‘nalishlaridan biridir. Jahon sog‘liqni saqlash tashkiloti va radiatsion xavfsizlik bo‘yicha xalqaro komissiya ma’lumotlariga ko‘ra, inson organizmiga uzoq muddat ta’sir qiluvchi ionlashtiruvchi nurlanish genetik shikastlanishlar, onkologik kasalliklar va boshqa patologik jarayonlar rivojlanish xavfini oshirishi mumkin. Shu bois radiatsion monitoringda qo‘llaniladigan dozimetriya usullarining aniqligi va samaradorligini ilmiy baholash dolzarb masalalardan hisoblanadi.