YURIDIK SHAXSLARGA KREDIT BERISH TUSHUNCHASI VA IQTISODIY MOHIYATI

Abstract

Yuridik shaxslarga kredit berish bank tizimining asosiy funksiyalaridan biri bo‘lib, u iqtisodiyotda ishlab chiqarish jarayonini moliyalashtirish, investitsion faollikni oshirish va korxonalar rivojlanishini ta’minlashda muhim rol o‘ynaydi. Kreditlash orqali banklar vaqtincha bo‘sh turgan pul mablag‘larini iqtisodiyotning faol sektorlariga yo‘naltiradi va bu orqali umumiy iqtisodiy o‘sishni rag‘batlantiradi. Nazariy jihatdan kredit - bu ma’lum muddatga, qaytarish sharti bilan va foiz to‘lash asosida beriladigan moliyaviy resurs hisoblanadi [1]. Yuridik shaxslarga beriladigan kreditlar esa asosan korxonalar, tashkilotlar va firmalarning ishlab chiqarish, investitsiya va aylanma mablag‘larini moliyalashtirishga qaratilgan bo‘ladi. Frederic S. Mishkin ta’kidlashicha [2], bank kreditlari moliyaviy tizim orqali resurslarni samarali taqsimlash mexanizmi bo‘lib xizmat qiladi va iqtisodiy faoliyatni faollashtiradi.